My Dog í Svíþjóð

Ég skellti mér til svíþjóðar á #MyDog hjá sænska kennel klúbbnum í byrjun janúar. Þetta er ein af stærri sýningunum þeirra og er haldin í Gautaborg fyrstu helgina í janúar. Ég myndi sko svo sannarlega mæla með þessari sýningu fyrir alla hundaáhugamenn. Það var gríðarlega vel haldið utan um allt, margir fallegir hundar og skemmtileg dagskrá. Ég fór út til þess að vera nemi á Standard Schnauzer hjá Evu Eriksson (svartan og pipar&salt) það var mjög góð skráning en það voru samtals 32. Ég hafði verið nemi á 4 hér heima :) Seinna um daginn tók ég svo próf á Minature Schnauzer en prófdómararnir mínir voru Svante Frisk all rounder og Carina Andersson Rapp sem er dómari og schnauzer ræktandi. Prófið gekk vel mjög vel og fékk ég síðar að vita að ég stóðst prófið. Ég er því komin með réttindi til þess að dæma Miniature Schnauzer :). Á laugardeginum var ég nemi hjá Marie Thorp á chihuahua síðhærðum og Evu Nielsen á frönskum bulldog. Alveg meiriháttar skráning og frábærir kennarar. Á sunnudeginum var ég síðan nemi hjá Mou Persson á Pug, Moa er Pug ræktandi og hefur gríðarlega mikla reynslu sem dómari, það var því sérlega ánægjulegt að fá að vera nemi hjá henni.  

---